ودي بـك وابيـك وابـاك وابغـاك
جمّعتهـا لارضـاك واختـار فيهـا
شف ويش منها يتبع احكاك ورضاك
اللي لك اسقي مسمعـك لا ضميهـا
غديت افر احكاي واسايـر احكـاك
انـا تشّـرف لكنتـي واهتويـهـا
مضمونها ودي بشوفتـك واهـواك
اللي دروب اهل الردى مـا تجيهـا
صانك ولي امـرك وحبـك وداراك
ولا قـادر ردع الحظـوظ ومجيهـا
نفسـك مهذبهـا وعـز الله اربـاك
يدري بأن جيـش الهيـام يغزيهـا
الله قسم يبلاك بـي وانـت يبـلاك
اللي سواتي في العـرب يرتجيهـا
محبةٍ ذربـه مـن القلـب تكسـاك
محبـةٍ صـدق الهـوى يكتسيهـا
يامرك قلبك بالوفـا لـي وتنهـاك
ناسٍ علـى لامـاك تفـرك يديهـا
رزين عقل ومـن مزايـا مزايـاك
نفسـك تحـب وعفتـك تمتطيهـا
تطيع عقلٍ مـا بعـد زل واغـواك
شاعرك لا تعصاه وانـت تعصيهـا
ما شفت منك الا عيونـك ويمنـاك
محبـةٍ راع الـردى مـا يبيـهـا
ينبض فـوادي لا تخيلـت فرقـاك
اشـف عيـنٍ مـا سـواك يعنيهـا
وياعزوة اخوانك ومطلـب هـذولاك
نـاسٍ محبـة والــدك تدعيـهـا
نـاسٍ تخـدم ابيـك كلـه لعينـاك
هو يحسـب ان الله عليـه يهديهـا
ياجعلها تفدى على الارض ماطـاك
الله بمـن هـو مثلـهـا يبتليـهـا
لكن لعـب بـي ياوليفـي تغّـلاك
نفسي غلاك من الصـدود يحديهـا
تبطي علي وانـا هنـا واتحـراك
كبدي لواهيـب الصبـر تشتويهـا
اجمّع علومك مـن هنـاك وهنـاك
والله يا لولا تنشـرى لا اشتريهـا
وعذرك انا لاهي يا ويش اللي الهاك
ويش امر لاهي ماانت لاهي تليهـا
كانك مشكك في الوفا والغلا هـااك
واليا قريـت القائمـه كـل ابيهـا
رقمك مع الصادر ولا وارد اسـواك
الناس في اللي لـم يـردد عليهـا
وايـاك وايانـي و ايانـي ايــاك
من غيبةٍ مـا دون عـذر يحميهـا
الأربعاء أغسطس 20, 2008 8:29 am
